Мақомоти Ҳинд эълом карданд, ки дастикам 10 бемор дар як сӯхторе, ки дар бахши нигоҳубини травма дар як шифохона дар иёлати Одиша рух додааст, ҷон бохтанд.

Хабаргузории Рейтерз гузориш додааст, ки ин рӯйдод рӯзи душанбе, 16-уми март рух додааст.

Бар асоси гузориш, панҷ бемори дигар дар ин ҳодиса башиддат захмӣ шудаанд.

Тибқи гузоришҳо, эҳтимол меравад сӯхтор бар асари расиши ноқилҳо дар маркази травма рух дода бошад.

Моҳан Чаран Маҷи, вазири аршади иёлати Одиша, гуфтааст: “Ҳадди ақал 23 бемор дар бахши нигоҳубини вижа таҳти табобат буданд ва 10 тани онҳо ҳангоми интиқол ба як минтақаи амн ва дур аз оташ ҷон бохтанд”.

Ӯ афзудааст, ки кормандони тиббӣ ва амниятӣ ҷони худро ба хатар андохта, беморонро наҷот доданд.

Dialog.tj