Пешопеши таҷлили Иди Рамазон роҳбарияти Раёсати Вазорати корҳои дохилӣ дар шаҳри Душанбе бо роҳбарони бозорҳо ва марказҳои калони савдои ҳудуди пойтахт вохӯрӣ кард.

Тавре ки хабар дода мешавад, зимни мулоқот масъалаҳои нигоҳ доштани мувозинати нархи маҳсулоти ниёзи аввал, таъмини тартиботи ҷамъиятӣ дар ҳудуди бозорҳо ва марказҳои савдо, пешгирии ҳолатҳои ҳуқуқвайронкунӣ, риояи талаботи бехатарӣ аз сӯхтор, инчунин, насби камераҳои мушоҳидавӣ ва истифодаи самараноки онҳо мавриди таҳлилу баррасӣ қарор дода шуданд.

Иттилоъ дода мешавад, ки дар арафаи Иди Рамазон бо зиёд гардидани шумораи харидорон дар бозорҳо ва марказҳои савдо, масъулини иншооти савдо бояд ба таъмини тартибот, хизматрасонии босифат, пешгирии болоравии сунъии нархи маҳсулот ва фароҳам овардани шароити мусоид барои шаҳрвандон диққати ҷиддӣ зоҳир намоянд.

Dialog.tj