Мақомоти интизомӣ аз боздошти ду кас хабар дод, ки дар шабакаҳои иҷтимоӣ мунтазам наворҳои ғайриахлоқӣ ва тарғибкунандаи фаҳшро паҳн мекарданд.

Тавре ки Раёсати Вазорати корҳои дохилӣ дар шаҳри Душанбе иттилоъ медиҳад, зимни санҷиш муайян гардид, ки шаҳрванд Сафарова Шаҳноза ва ноболиғ Ҷумъабоева Ҳ. дар шабакаи иҷтимоии Инстаграм саҳифаи худро таъсис дода, мунтазам тавассути пахши мустақим нимбараҳна ва бо истифодаи алфози қабеҳ баромад намуда, рафторҳои ғайриахлоқӣ анҷом медодаанд.

Гуфта мешавад, ки вобаста ба ҳолати мазкур нисбати номбурдагон маводи зарурӣ тартиб дода шуда, бо қарори дахлдори суд ҷаримаи маъмурӣ таъин карда шуд.

Ёдовар мешавем, ки вақтҳои охир мақомоти интизомии кишвар корбарони шабакаҳои иҷтимоиро барои нашри наворҳои ғайриахлоқӣ зиёд дастгиру ҷаримаву ҳабс мекунад, вале шумораи чунин афрод рӯ ба афзоиш аст.

Dialog.tj