Роҳбари ташкилоти UFC Дана Уайт муҳорибаҳои мусобиқаи UFC Кохи сафедро эълон кард, аммо тавре ки алоқамандони муҳорибаҳои омехта интизор буданд, нашуд.

Тибқи иттилои Дана Уайт, дар мусобиқаи UFC Кохи сафед шаш муҳориба, аз ҷумла ду муҳорибаи чемпионӣ ташкил карда мешавад. Муҳорибаҳои асосии мусобиқаи мазкур рақобати Илия Топурия бо Ҷастин Гейҷи барои камарбанди чемпионӣ дар вазни сабук ва рақобати Алекс Перейра бо Сирил Ган барои камарбанди чемпионӣ дар вазни вазнин мебошанд.

Мусобиқаи UFC Кохи сафедро ба муносибати 250-солагии Амрико 14-уми июни соли равон ташкил мекунанд ва беш аз як сол мешавад, ки Доналд Трамп ва Дана Уайт дар мавриди мусобиқаи таърихӣ шудани он мегӯянд. Ҳатто президенти Амрико Доналд Трамп эълон карда буд, ки дар мусобиқаи UFC Кохи сафед 8-9 муҳорибаи унвонӣ доир мегардад, вале тавре дидем, танҳо ду рақобати чемпионӣ ташкил мешаваду халос.

Ҳамчунин, дар мавриди рақобати чемпиони UFC дар вазни ниммиёна Ислом Махачев, ки бисёриҳо интизор буданд, Дана Уайт гуфт, ки ҷароҳат бардоштааст ва имкони ташкили муҳорибаи ӯ нашуд.

Dialog.tj