Яке аз футболбозони калидии бошгоҳи “Реал Мадрид” Родриго аз зонуяш ҷароҳат (кандашавии пайванди салибшакл) гирифт, ки то охири мавсим ва ҳатто дар Чемпионати ҷаҳон-2026 ба майдон намеояд.

Ҷароҳати кандашавии пайванди салибшакл яке аз ҷароҳатҳоест, ки футболбозонро аз 6 моҳ то 1 сол аз майдон дур мекунад.

“Яке аз рӯзҳои бади ҳаётам. Ман хеле зиёд аз ин ҷароҳат метарсидам, зеро аз майдон ба муҳлати тӯлонӣ дур мешавам. Намедонам, оё ман сазовори чунин ҷароҳат будам ё не, вале шикоят намекунам, зеро дар зиндагӣ ба бисёр дастовардҳо ноил шудам, ки шояд сазовори онон низ набудам”, - навиштааст Родриго.

Футболбози бошгоҳи “Реал Мадрид” илова намудааст, ки то ихири мавсим дар ҳайати дастаи шоҳона ба майдон намеояд ва ҳамчунин, бо мунтахаби Бразилия дар Чемпионати ҷаҳон-2026 иштирок карда наметавонад, ки албатта орзуяш буд.

Ҳамчунин, Родриго ба мухлисонаш барои паёмҳояшон изҳори миннатдорӣ кардааст.

Dialog.tj