Ҷумҳурии Исломии Эрон мавҷи ҳафтум ва ҳаштуми амалиёти “Ваъдаи содиқ 4”-ро пеш аз нисфирӯзии имрӯз ба самти аҳдофи амрикоӣ-исроилӣ бо шилликҳои пайдарпайи мушакҳо ва партоби пурдоманаи паҳподҳо анҷом додааст.

Гуфта мешавад, ки нови ҳавопаймобари Авраам Линколни Артиши Амрико бо чаҳор фарванд мушаки круз мавриди ҳамла қарор гирифтааст. Пас аз ҳамла, ин нови Амрико аз маҳалли истиқрори маъмурияти худ ба самти ҷануби шарқи уқёнуси Ҳинд равона карда шудааст.

Ҳамчунин, гуфта мешавад, ки пойгоҳи дарёии Алӣ ас-Солими Амрико дар Кувайт дар пайи ҳамлаҳои ахир комилан аз рӯйихати фаъолият хориҷ ва се созаи зерсохтии дарёии Муҳаммад ал-Аҳмади Амрико дар Кувайт низ нобуд карда шуданд.

“Пойгоҳи дарёии Амрико дар бандари Салмони Баҳрайн мавриди ҳамлаи чаҳор фарванд паҳпод қарор гирифта ва хисороти шадиде ба марказҳои фармондеҳӣ ва пуштибонии он ворид шудааст. Дар идомаи ҳамлаҳо ба аҳдофи дарёии Амрико, се нафткаши мутахаллифи кишварҳои Амрико ва Англия дар минтақаи Халиҷи Форс ва тангаи Ҳурмуз мавриди ҳамлаи мушакӣ қарор гирифта ва дар ҳоли сӯхтан аст”- мегӯяд сухангӯи қароргоҳи марказии Хотамуланбиёи Эрон.

Ҳамчунин, маҳалли истиқрори низомиёни амрикоӣ дар Баҳрайн бо ду мушаки болистик ва як қатор пойгоҳҳои амрикоӣ дар минтақа мавриди ҳамлаҳои пайдарпай қарор гирифтаанд, ки ин ҳамлаҳо мунҷар ба кушта ва захмӣ шудани 590 низомии амрикоӣ то ин лаҳза шудааст.

“Тезпарвозони Неруи ҳавоии артиши Ҷумҳурии Исломии Эрон низ соате пеш пойгоҳҳои Амрико дар кишварҳои ҳавзаи Халиҷи Форс ва иқлими Курдистони Ироқро тайи чанд марҳилаи амалиёт бо муваффақият бомбаборон карданд” - мегӯяд сухангӯи қароргоҳи марказии Хотамуланбиёи Эрон.

Dialog.tj