Муқовимати Исломии Лубнон дар нахустин баёнияи худ аз ҳамла ба аҳдофе дар сарзаминҳои ишғолии Фаластин хабар дод.

Гурӯҳи муқовиматии “Ҳизбуллоҳ”-и Лубнон дар ин баёния эълом кард, ки бо чанд мушак ва паҳпод қароргоҳи падофанди мушакии Машмар ал-Кармел дар ҷануби шаҳри ишғолии Ҳайфоро ҳадаф қарор додааст.

Ҳизбуллоҳ афзуд: “Ин амалиёт барои интиқоми хуни мутаҳҳари валии амири муслимин, Имом Сайидалӣ Ҳусайнии Хоманаӣ, ки ба ноҳақ тавассути душмани ҷинояткори саҳюнистӣ рехта шуд ва дар дифоъ аз Лубнон ва миллати он ва посух ба таҷовузҳои мукаррари режими Исроил анҷом шудааст”.

Фармондеҳии муқовимат ҳамвора таъкид кардааст, ки иқдомҳои таҷовузкоронаи исроилӣ ва терори фармондеҳон, ҷавонон ва мардуми Лубнон, ба мо ҳаққи дифоъ ва посухгӯӣ дар замон ва макони муносибро медиҳад.

“Душмани исроилӣ наметавонад ба таҷовузи понздаҳмоҳаи худ бидуни дарёфти посухе ҳушдордиҳанда барои таваққуфи ин таҷовуз ва ақибнишинӣ аз сарзаминҳои ишғолии Лубнон идома диҳад.

Ин иқдом посухи қонунӣ ва дифоӣ аст ва бар масъулон ва дастандаркорон лозим аст, ки ба таҷовузи исроилӣ-амрикоӣ ба Лубнон поён диҳанд” – омадааст, дар баёнияи ҳаракати “Ҳизбуллоҳ”.

Dialog.tj