Тибқи гузориши “Рейтерз” Созмони Милали Муттаҳид эълом кардааст, ки дар соли гузашта наздик ба 8000 тан дар роҳҳои хатарноки муҳоҷират монанди Баҳри Миёназамин ҷони худро аз даст дода ё нопадид шудаанд.

Хабаргузории “Рейтерз” рӯзи панҷшанбе, 26-уми феврал ба нақл аз Созмони Милал гуфтааст, ки шумори воқеии қурбониён эҳтимолан бисёр болотар аст, зеро коҳиши будҷа дастрасии башардӯстона ва пайгирии маргҳои марбут ба паноҳҷӯёнро маҳдуд кардааст.

Созмони байналмилалии муҳоҷират (IOM) гуфтааст, ки масирҳои қонунии муҳоҷират дар ҳоли коҳиш аст ва ин мавзуъ афроди бештареро ба дасти қочоқчиён месупорад.

Эйми Поп, мудири кулли Созмони байналмилалии муҳоҷират дар баёнияе гуфтааст: “Идомаи аз даст рафтани ҷони инсонҳо дар роҳҳои муҳоҷират як шикасти ҷаҳонӣ аст, ки наметавонем онро одӣ бидонем”.

Ӯ афзудааст, вақте ки масирҳои амн дар дастрас набошад, мардум маҷбур ба сафарҳои хатарнок ва супурдани худ ба дасти қочоқчиён мешаванд, ки ин ниёзманди густариши масирҳои амн ва қонунии муҳоҷират аст.

Dialog.tj