Чарлз Кушнер, сафири Иёлоти Муттаҳида дар Париж, аз дидор бо вазирон ва дигар мақомҳои фаронсавӣ манъ шудааст.

Хабаргузории “Франс-пресс” (France-Presse) рӯзи сешанбе, 24-уми феврал гузориш додааст, ки сафири Амрико даъватномаи Вазорати корҳои хориҷии Фаронсаро нодида гирифтааст.

Тибқи гузориш, ин иқдом пас аз он сурат гирифта, ки ҷаноби Кушнер дар пайи изҳори назар дар бораи кушта шудани як фаъоли “ростгарои ифротӣ”-и фаронсавӣ, даъватномаи Вазорати корҳои хориҷии Фаронсаро нодида гирифт.

Бар асоси гузориш, Квентин Дранк, фаъоли “ростгарои ифротӣ”-и фаронсавӣ дар ҷараёни даргирӣ бо фаъолони гумонбар ба “чапи ифротӣ” мавриди латукӯб қарор гирифта, кушта шудааст.

Вазорати корҳои хориҷии Фаронса гуфтааст, ки кушта шудани ин фаъоли “ростгарои ифротӣ” як масъалаи дохилӣ аст ва набояд аз он баҳрабардории сиёсӣ шавад.

Ин дувумин бор аст, ки сафири Иёлоти Муттаҳидаи Амрико даъватномаи Вазорати корҳои хориҷии Фаронсаро нодида мегирад.

Dialog.tj