Фурӯғ Каримӣ, нависандаи афғонитабори ҳолландӣ, барандаи “Ҷоизаи китобфурӯшони Ҳолланд” дар соли 2026 шудааст.

Баргузоркунандагони ин ҷоиза шоми панҷшанбе, 19-уми феврал эълом кардаанд, ки асари “Дар чашмонам абрҳоро ҳамл мекунам”-и Каримӣ аз сӯи ҳайати доварон ҳамчун асари баргузидаи сол интихоб шудааст.

Бар асоси гузориши ҳайати доварон, ин роман асари “фаврӣ, дилхарош ва бо сохтори санҷида” тавсиф шуда ва омадааст, ки Каримӣ бо ин асар ба паноҳандагон садо бахшида ва ровии тавоно аст.

Романи “Дар чашмонам абрҳоро ҳамл мекунам” севумин асари достонии Каримӣ мебошад.

Ин асар дар бораи равонпизишке ба номи Вида аст, ки дар 15-солагӣ аз Кобул ба Ҳолланд паноҳ бурда ва дар он ҷо зиндагии тозае сохтааст.

Ҷоизаи китобфурӯшони Ҳолланд ҳар сол ба як китоби аслии ҳолландизабон эҳдо мешавад, ки ба бовари китобфурӯшон шоистаи хонандагони густурдатар аст.

Фурӯғ Каримӣ соли 1971 дар Кобул ба дунё омадааст.

Ӯ соли 1996 ва дар 25-солагӣ ба далели ҷанг Афғонистонро тарк карда, ба Ҳолланд паноҳанда шудааст.

Dialog.tj