Бошгоҳҳои «Барқчӣ»–«Ҳосилот» ва «Панҷшер»–«Ҳулбук» дар даври ниманиҳоии мусобиқаи Eurol-Ҷоми ФФТ-2026 рақобат хоҳанд кард.

Бинобар иттилои Федератсияи футболи Тоҷикистон, марҳилаи гурӯҳии мусобиқаи Eurol-Ҷоми ФФТ-2026 дар шаҳри Душанбе ба анҷом расид ва имрӯз, 17-уми феврал дар майдони эҳтиётии Варзишгоҳи марказии Душанбе бозиҳои даври ниманиҳоӣ баргузор мегарданд.

Иттилоъ дода мешавад, ки ғолибони даври ниманиҳоӣ ба финал роҳ меёбанд ва дастаҳои мағлубшуда барои зинаи сеюм рақобат мекунанд. Бозиҳои ниҳоии мусобиқаи мазкур 20-уми феврал дар Варзишгоҳи марказии Душанбе доир мешаванд.

Ёдовар мешавем, ки фонди умумии ҷоизаҳои мусобиқа 100 000 сомонӣ аст. Ғолиби мусобиқа бо 50 000 сомонӣ, барандаи медали нуқра бо 30 000 сомонӣ ва барандаи медали биринҷӣ бо 20 000 сомонӣ қадрдонӣ мегарданд.

Dialog.tj