Масъуд Пизишкиён, президенти Ҷумҳурии исломии Эрон: “То ҷое ки манобеи дохилӣ иҷоза диҳад, сармоягузориро дунбол хоҳем кард”.

Ба гузориши хабаргузории эронии “Тасним”, Масъуд Пизишкиён, президенти Эрон дар ҳамоиши байналмилалии “Эрон-коридор 2026”, фурсатҳои сармоягузорӣ ва таъмини молии роҳҳои оҳан ва дигар роҳҳоро тайи суханоне баён кард: “Чандин монеаҳо ва мушкилоте дар масири ҳамкорӣ дар заминаи мавзуҳои мавриди назари ин нишаст вуҷуд дошта бошад, омодагӣ дорем дар чорчӯбҳои илмӣ, коршиносӣ ва мубтанӣ бар таҷрибаҳои муваффақ онҳоро бартараф кунем”.

Вай бо баёни ин ки “аз нигоҳи мо, сармоягузор ва кишвари шарик дар ҳамкорӣ бояд қонеъ шавад”, афзуд: “Мардумоне, ки аз ин масир, зерсохт ё барнома истифода мекунанд низ бояд қонеъ шаванд. Замоне метавонем канори якдигар қарор бигирем, ки ҳамаи тарафҳо аз ин таомул баҳра бибаранд, дар чунин шароит эътимод шакл мегирад ва ҳамкориҳо пойдор мешавад”.

Президенти Эрон хотирнишон кард: “Муътақидем дар ин масир, на ҳаққи ҳеч кишваре бояд поймол шавад, на тамомияти арзӣ ва на ихтиёри тасмимгирии он нодида гирифта шавад, бо эҳтироми мутақобил ва ҳифзи ҳокимиятҳо метавонем дар як таомули созанда, рӯ ба ҷило ҳаракат кунем”.

Вай изофа кард: “Нигоҳи мо фаротар аз як равобити сирфан идорӣ ва дипломатӣ аст, мо ин таомулро бар пояи бародарӣ, эҳтиром ва эътимоди мутақобил медонем ва муътақидем бо чунин нигоҳе метавон ҳамкориҳои мондагор ва муассирро шакл дод”.

Dialog.tj