Вазири дифои Покистон дар изҳороте таъкид кард, ки ҳокимияти миллӣ, истиқлол ва амнияти Эрон барои мо ҳаммонанди ҳокимият ва истиқлоли Покистон аст ва Исломобод ба ҳамбастагӣ ва ҳимояти ҳамаҷонибаи худ аз Теҳрон идома хоҳад дод.

Ба гузориши расонаҳо Хоҷа Муҳаммад Осиф дар изҳороте дар шабакаи покистонии “Ҳам Нюз” дар Исломобод дар вокуниш ба ҳар гуна сар задани ҷанг дар минтақа чунин изҳори назар кард: “Эрон ҳамсояи наздик ва кишвари бародари мо аст, ки собиқаи равобити ду кишвар на фақат чандин даҳа, балки ба қарнҳои пеш бозмегардад”.

Вай таъкид кард: “Ҳамбастагӣ ва ҳимояти мо аз Ҷумҳурии Исломии Эрон воқеӣ ва бо сароҳати комил аст”.

Вазири дифои Покистон афзуд: “Амният, истиқлол ва ҳокимияти миллии Эрон ончунон барои мо аҳамият дорад, ки ҳокимият, истиқлол ва амнияти Покистон барои мо муҳим аст”.

Осиф Алӣ Зардорӣ бо таъкид бар аҳамияти равобити Эрон ва Покистон гуфта, ки Теҳрон шарики муҳимми Исломобод аст ва ҳарду кишвар ҳамгироии ҷиддӣ барои густариши робитаҳои дуҷониба доранд.

Dialog.tj