Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ медиҳад, ки аз 10-ум то 14-уми феврали соли ҷорӣ бинобар сабаби воридшавии сиклонҳои пайдарпай дар бештари манотиқи ҷумҳурӣ ҳавои ноустувор пешгӯӣ мешавад.

Манбаъ меафзояд, ки дар ноҳияҳои водию-доманакӯҳӣ асосан борон, дар ноҳияҳои кӯҳӣ боришот (борон, барф), дар ноҳияҳои баландкӯҳӣ барф меборад. Дар ағбаҳо боришоти барф пешгӯӣ шуда, дар баъзе ҳолатҳо бошиддат борида, шиддатнокии вазиши шамол бо суръати то 15-20м/с аз эҳтимол дур нест.

"Дар шоҳроҳҳои кӯҳӣ мушкилшавии ҳаракати нақлиёт дар назар буда, барфи бодовард, бадшавии дурии биниш пешгӯӣ мешавад", - омадааст дар хабарномаи агентӣ.

Гуфта мешавад, ки аз 11-ум то 14-ум бинобар сабаби боришоти пайдарпай дар минтақаҳои тармафарои шоҳроҳи нақлиётгарди Душанбе–Чаноқ (километрҳои 48–74), бахусус минтақаҳои тармафарои Майхура, Зидеҳи ноҳияи Варзоб, ҳамзамон дар ноҳияҳои кӯҳии тобеъи ҷумҳурӣ ва ноҳияҳои ғарбии Вилояти Мухтори Кӯҳистони Бадахшон сар задани зуҳуроти тарма пешгӯӣ мешавад.

Dialog.tj