Имрӯз, 29-уми январ, вазири энергетика ва захираҳои оби Ҷумҳурии Тоҷикистон Далер Ҷумъа зимни нишасти матбуотӣ иттилоъ дод, ки давоми соли 2025 дар кишвар 23 миллиарду 982,6 милион кВт-соат нерӯи барқ истеҳсоли шудааст.

Манбаъ афзуд, ки ин нишондод нисбат ба соли 2024-ум 1 млрд 534,9 млн кВт-соат ё 6,5% зиёд аст.

Дар ин росто, иттилоъ дода шуд, ки ҳаҷми истеҳсоли энергияи гармӣ дар соли 2025 ба 1 млн 328,8 ҳазор Гкал баробар шуда, нисбат ба як соли паш 2 фоиз зиёд мебошад.

Илова бар ин, Далер Ҷумъа дар нишасти матбуотӣ иброз дошт, ки қарзи истифодаи нерӯи барқ аз ҷониби аҳолӣ, корхонаҳои саноатӣ ва ниҳодҳои дигари давлатӣ 3 миллиарду 634,8 миллион сомониро ташкил медиҳад.

Таъкид гардид, ки танҳо аҳолии кишвар аз барқ 1 миллиарду 161,7 миллион сомонӣ қарздор аст.

Dialog.tj