Тибқи тағйирот ба Низомномаи Озмуни ҷумҳуриявии «Илм-фурӯғи маърифат» портали электронӣ таъсис дода шуд.

Тавре ки АМИТ «Ховар» бо такя ба маълумоти Раёсати илм ва инноватсияи Вазорати маориф ва илми Ҷумҳурии Тоҷикистон хабар медиҳад, портали электронӣ бо мақсади шаффофият ва дақиқияти холҳои бадастовардаи ғолибони Озмуни ҷумҳуриявии «Илм-фурӯғи маърифат» таъсис дода шуд.

Манбаъ меафзояд, ки ҳадаф аз таъсиси портали электронӣ он аст, ки дар он ғолибони даври дуюми озмун вобаста ба номинатсияҳо аз ҷониби сардорони раёсат ва мудирони шуъбаҳои маорифи вилоят ва шаҳру ноҳияҳо пурра ба қайд гирифта мешаванд. Ин раванд шаффофияти озмун ва дақиқ будани холҳои бадастовардаи ғолибонро нишон медиҳад.

Иттилоъ дода мешавад, ки таъсиси портали электронӣ ҳамзамон ба пешниҳоди якхелаи ҳуҷҷатҳои довталабон ва муаррифии онҳо мусоидат менамояд. Ин иқдом барои рақамикунонии озмуни мазкур дар оянда махзани пурраи маълумот мебошад.

Ёдовар мешавем, ки тибқи Амри Президенти кишвар барои баргузорӣ ва қадрдонии ғолибони озмуни мазкур дар соли равон 9 миллиону 870 ҳазор сомонӣ ҷудо гардидааст.

Dialog.tj