Тибқи иттилои маркази матбуот ва иттилооти Вазорати кишоварзии Ҷумҳурии Тоҷикистон, ҳаҷми умумии истеҳсоли маҳсулоти кишоварзӣ дар давоми соли гузашта ба 84,7 миллиард сомонӣ расид, ки нисбат ба соли гузашта 9,5 фоиз афзоиш ёфтааст.

Манбаъ меафзояд, ки истеҳсоли маҳсулоти растанипарварӣ бо афзоиши 9,9 фоиз ба 56,6 миллиард сомонӣ ва маҳсулоти чорвопарварӣ бо 8,5 фоиз, ба 28,1 миллиард сомонӣ зиёд гардидааст.

Иттилоъ дода мешавад, ки дар соли 2025 нисбат ба соли 2024 истеҳсоли картошка 5,4 фоиз зиёд гардида, 1332,5 ҳазор тоннаро ташкил медиҳад, истеҳсоли сабзавот 2,4 фоиз (3377,9 ҳазор тонна), зироатҳои полизӣ 9,6 фоиз (1254,4 ҳазор тонна)-ро ташкил медиҳад, меваҷот 16,0 фоиз (954,3 ҳазор тонна), ангур 19,4 фоиз (346,1 ҳазор тонна), гӯшт 9,2 фоиз (454,3 ҳазор тонна), аз он гӯшти паранда 7,2 фоиз (50,8 ҳазор тонна), шир 2,5 фоиз (1206,7 ҳазор тонна), тухм 12,1 фоиз (1419,3 миллион дона), пашм 4,8 фоиз (9,5 ҳазор тонна), гирифтани гӯсола 5,0 фоиз (746 ҳазор сар), бараву бузғола 5,7 фоиз (2987 ҳазор сар), тойча 10,2 фоиз (20 ҳазор сар) ва истеҳсоли чуҷа 1,6 маротиба зиёд гардида, ба 27,0 миллион сар баробар шудааст.

Ҳамчунин, зикр мегардад, ки ҳаҷми истеҳсоли пахта дар ҷумҳурӣ ба 392,2 ҳазор тонна расида, иҷрои дурнамо 100,6 фоиз таъмин гардид, ки дар муқоиса ба соли 2024-ум 139,5 ҳазор тонна зиёд мебошад.

Dialog.tj