Мувофиқи Қарори Ҳукумати Ҷумҳурии Тоҷикистон дар кишвар аз 1-уми феврали соли равон тарифҳои истифодаи нерӯи барқ барои ҳамаи истеъмолгарони барқ, аз ҷумла аҳолӣ боло меравад.

Ҳамин тавр, арзиши истифодаи барқ барои аҳолӣ 17% қимат шуда, аз 35,36 дирам ба 41,37 дирам барои 1 кВт/соат мерасад.

Зикр мегардад, ки агар оила дар як моҳ аз 10 ҳазор кВт/соат зиёд нерӯи барқ масраф кунад, маблағи зиёдатӣ на бо нархи маъмулии аҳолӣ, балки бо тарифи баланди саноатӣ яъне 94,65 дирам ҳисоб карда мешавад.

Ҳамчунин, тибқи Қарори Ҳукумати кишвар, аз 1-уми феврал бори аввал барои пур кардани барқи электромобилҳо тарифи махсус муайян мешавад. Яъне аз ин ба баъд барои пур кардани ҳар 1 кВт/соат нерӯи барқи электромобилҳо нуқтаҳои пуркунандаи барқ 94,65 дирам пардохт мекунанд.

Dialog.tj