Аҳли фарҳанги шаҳри Панҷакент аз навгонии фарҳангӣ иттилоъ доданд. Ин омода шудании сӯзанӣ, камтар аз як моҳ бо иштироки беш аз 35 нафар бо кӯкзании 5 миллион маротиба омода гардид.

Ин сӯзанӣ 13 декабри соли 2025 дар Кохи фарҳанги ба номи Олим Бобоев муаррифӣ гардид.

Дар маросими ифтитоҳи намоишгоҳ президенти Шӯрои байналмилалии ҳунармандӣ Саад-ал-Қудуми, муовини раиси вилояти Суғд Ҷамшед Ҷӯразода, ҳунармандон ва фаъолон иштирок намуданд.

Дар намоишгоҳ даҳҳо намунаи сӯзаниҳои дӯхтаи бонувони ҳунарманди шаҳр, ки заминаи боътимод барои ноил шудани Панҷакент ба унвони Шаҳри байналмилалии ҳунармандӣ шудааст, ба маъраз гузошта шуда буд.

Ба меҳмонон хоса сӯзание, ки бонувони ҳунарманди шаҳри Панҷакент ба ифтихори ҷашнвора дар ҳаҷми шаш ба се метр омода намудаанд, писанд афтод. Онро 35 нафар бонуи ҳунарманд бо шогирдонашон дар 25 рӯз бо панҷ миллион кӯк омода кардаанд.

Дар намоишгоҳ меҳмонон ва тамошобинон бо маълумотҳои ҷолиб дар бораи таърихи анъанаи сӯзанидӯзӣ, шарҳу тафсири нақшҳои он нақл мекунанд, шинос шуданд.

Зимни боздид аз намоишгоҳ таъкид шуд, ки шомил шудани Панҷакент ба ин феҳристи ҷаҳонӣ, баргузории Фестивали байналмилалӣ ва ин намоишгоҳи бузурги сӯзанӣ далели мӯътамади таваҷҷӯҳи роҳбарияти олии кишвари Тоҷикистон, Ҳукумати мамлакат ба эҳё ва рушди ҳунармандӣ, дастгирии ҳунармандон аст.

Коршиносони байналмилалӣ сӯзании Панҷакентро намунаи олии ҳунари дастии бонувон номиданд.

Dialog.tj