Раёсати Вазорати корҳои дохилӣ дар шаҳри Душанбе аз пешгирии муноқишаи гурӯҳӣ байни ноболиғон хабар дод.

Манбаъ иттилоъ медиҳад, ки кормандони шуъбачаи огоҳонӣ ва пешгирии ҳуқуқвайронкунӣ байни ноболиғон ва ҷавонони ШВКД-1 дар ноҳияи Сино аз муноқишаи гурӯҳӣ байни ноболиғон пешгирӣ намуданд.

“Санаи 26-уми декабри соли ҷорӣ як гурӯҳ ноболиғон бо корд мусаллаҳ гашта, мехостанд дар назди яке аз муассисаҳои таълимӣ муноқиша намоянд, аммо дар натиҷаи санҷишҳои саривақтӣ аз эҳтимоли сар задани ин ҷиноят пешгирӣ карда шуда, аз ноболиғон як адад кор мусодира гардид”, - зикр мегардад дар иттилоияи РВКД дар шаҳри Душанбе.

Гуфта мешавад, ки вобаста ба ҳолати мазкур, нисбати волидони ноболиғон бо моддаи 90 КҲМ Ҷумҳурии Тоҷикистон протоколҳои маъмурӣ тартиб дода шуда, барои чораҷӯӣ ба Суд ирсол карда шуд.

Dialog.tj