Дар доираи даври шашуми марҳилаи гурӯҳии Лигаи чемпионҳои Осиё-2 бошгоҳи "Истиқлол"-и Тоҷикистон бо дастаи "Гоа"-и Ҳиндустон рақобат кард.

Бозии мазкур дар Варзишгоҳи "Ҷавоҳарлал Нерӯ"-и Ҳиндустон бо ҳузури 1083 тамошобин доир шуда, бо ҳисоби 1:2 бошгоҳи "Истиқлол" пирӯз шуд.

Дастаи "Истиқлол" бо вуҷуди пирӯзӣ, бо касби 9 имтиёз дар ҷадвали мусобиқа мақоми 3-юмро ба даст овард ва аз ҳисоби таносуби тубҳо натавонист ба даври плей-офф роҳхат гирад. Яъне аз идомаи рақобатҳо дар и Лигаи чемпионҳои Осиё-2 маҳрум гардид.

Голҳои дастаи "Истиқлол"-ро Пол Камолафе дар дақиқаи 53-юм ва Амирбек Ҷурабоев дар дақиқаи 56-ум ба дарвозаи "Гоа" ворид карданд.

Дар вохӯрии дигари гурӯҳ "Ал-Наср" бо ҳисоби 5:1 "Ал-Завра" -ро шикаст дод.

Ҳамин тавр, аз гурӯҳи "D" ба даври минбаъда дастаҳои "Ал-Наср" -18 имтиёз ва "Ал-Завра" - 9 имтиёз роҳхат гирифтанд.

Dialog.tj