Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон аз чаппа шудани қаиқе ва ҳалок шудани се кас дар Норак хабар дод.

Бинобар иттилои маркази матбуоти Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон, 21-уми декабр, тахминан соати 01:30 дақиқа ҳафт (шаш сокини Норак ва як сокини Ёвон) ба воситаи қаиқи дорои муҳаррик мехостанд аз тарафи ҷамоати деҳоти Дуконӣ ба тарафи деҳаи Гирдоби ҷамоати деҳоти Пули Сангин гузаранд, ки ҳангоми гузаштан дар наздикии соҳил қаиқ чаппа гардида, ҳамаашон ғарқ шуданд.

Аз ҳафт каси ғарқшуда чор нафар Саидов Бадриддин Шамсиддинович, соли таваллуд 15.09.1995, сокини шаҳри Норак, ҷамоати деҳоти Пули Сангин, деҳаи Гирдоб, Назаров Назарбек, соли таваллуд 1995, сокини шаҳри Норак, ҷамоати деҳоти Пули Сангин, деҳаи Гирдоб, Ҳақбердиев Холмирзо, соли таваллуд 1995, сокини шаҳри Норак, ҷамоати деҳоти Пули Сангин, деҳаи Гирдоб ва Саидов Босит Зафарович, соли таваллуд 1997, сокини шаҳри Норак, ҷамоати деҳоти Пули Сангин, деҳаи Гирдоб зинда аз об баромаданд.

Ҳамин тавр, дастаи махсуси зудамали наҷотдиҳии Раёсати КҲФ дар вилояти Хатлон барои гузаронидани корҳои кофтукобии рӯиобӣ ва зериобӣ амал намуда, дар натиҷа ҷасади се каси ғарқшударо аз об бароварда ба мақомоти дахлдор супориданд.

Dialog.tj