Тавре ки хадамоти матбуоти раиси вилояти Суғд Раҷаб Аҳмадзода хабар медиҳад, шоири шинохтаи тоҷик Гулноз Тоҳириён бо унвони баланди «Доктори фахрии Созмон ва Академияи ҳифзи фарҳанг ва забонҳои Испания» сарфароз гардондааст.

“Ин унвони ифтихорӣ дар доираи саммити байналмилалие, ки дар шаҳри Мадриди Шоҳигарии Испания баргузор гардид, ба шоири тоҷик эҳдо шуд. Дар ҳамоиши мазкур наздик 100 нафар намояндаи адабу фарҳанги 37 кишвари ҷаҳон ширкат доштанд”, - омадааст дар иттилоия.

Бояд гуфт, ки Гулноз Тоҳириён аз шумори шоирони маъруфи кишвар буда, муаллифи китобҳои "Ашки ширин", "Аз нигоҳ то шеър", "Парвози дунё", "Шаб дар паси ман буд", "Пероҳане дар бод", "Чатри наҷоти садо", "Парандаҳои махмалӣ" ва ғайраҳо мебошад.

 Dialog.tj