Пас аз ҷамъбасти Озмуни ҷумҳуриявии “Фурӯғи субҳи доноӣ китоб аст” Шоири халқии Тоҷикистон, раиси ҳакамони номинатсияи “Адабиёти муосири тоҷик”-и озмуни мазкур  Рустам Ваҳҳобзода дар мусоҳибае бо рӯзномаи “Ҷавонони Тоҷикистон” гуфтааст, ки агар дар кишвар як шабакаи телевизионӣ бо номи “Омӯзгор” дошта бошем, аз ҳар ҷиҳат хуб аст.

“Бисёр хуб мешуд, агар мо як шабакаи телевизионии “Омӯзгор” дошта бошем, ки саҳми муҳимме аз он махсуси барномаҳои марбут ба озмунҳои мутолиотии умумимиллӣ, аз ҷумла “Фурӯғи субҳи доноӣ китоб аст” бошад. Ба ғайр аз ин, ба воситаи барномаҳои муҷаҳҳази ин шабака бо ҷалби мутахассисони варзида метавон норасоии омӯзгорони баъзе аз фанҳоро дар минтақаҳои дурдаст ҷуброн кард”, - иброз доштааст Рустам Ваҳҳобзода.

Ҳамчунин, дар суҳбат Шоири халқии Тоҷикистон аз оне ки ду соли охир дар Озмуни ҷумҳуриявии “Фурӯғи субҳи доноӣ китоб аст” чор Шоҳҷоиза тақдим мегардад, изҳори хушнудӣ карда, афзудааст, ки ба роҳ мондани Шоҳҷоиза дар ҳар номинатсияи озмун, амалан дар ҳар номинатсия як ҷоизаи дигар ба вуҷуд овард ва гирандагони ҷоизаҳо зиёд шуданд.

Dialog.tj