Раёсати Вазорати корҳои дохилӣ дар шаҳри Душанбе аз боздошту ҳабси чор гӯштфурӯш хабар дод, ки такроран нархи маҳсулоташонро баланд кардаанд.

Манбаъ меафзояд, ки Нуриддин Ҳоҷизода, Далер Ярашев, Мунавваршо Аюбов ва Ҷӯрабек Мусаммиров қаблан барои гарон фурӯхтани гӯшт ҷарима шуда буданд, вале зимни санҷишҳои иловагӣ муайян гардид, ки онҳо боз нархро худсарона баланд намудаанд.

Ҳамин тавр, додгоҳ бар асоси моддаи 479 КҲМ (итоат накардан ба пулис) нисбат ба онҳо аз 2 то 5 шабонарӯзӣ ҳабси маъмурӣ таъин кардааст.

Ёдовар мешавем, ки чанде пеш аз ҷониби шаҳри Раёсати ВКД дар Душанбе ва Прокуратура бо мақсади ба танзим овардани нархи маҳсулоти хурокворӣ, махсусан маҳсулоти гуштӣ гурӯҳи корӣ таъсис ёфта, дар бозорҳои "Меҳргон", "Фаровон", "Саховат", "Ховарон" ва дӯкону марказҳои савдои хурду бузурги пойтахт корҳои фаҳмондадиҳӣ анҷом ёфт, ки дар рӯзи аввали он беш аз 40 далели аз меъёри муқарраргардида гарон ба фурӯш гузоштани маҳсулоти гуштӣ ошкор карда шуд.

Dialog.tj