Тибқи иттилои Вазорати маориф ва илми Ҷумҳурии Тоҷикистон, имрӯз, 29-уми ноябр дар Китобхонаи миллии Тоҷикистон довталабони Озмуни ҷумҳуриявии «Фурӯғи субҳи доноӣ китоб аст» аз рӯи 4 номинатсия барои ба даст овардани Шоҳҷоиза рақобат мекунанд.

Манбаъ меафзояд, ки довталабе, ки дар даври чоруми озмун дар гурӯҳи номинатсияи худ сазовори ҷойи якум шудаанд, имкон доранд барои дарёфти Шоҳҷоизаи озмун рақобат кунанд.

“Барандаи Шоҳҷоиза довталабе мегардад, ки ба саволҳои иловагии ҳакамон ҷавоб дода тавонад, дафтари ӯ ҷавобгӯйи талаботи Низомномаи озмун буда, рӯйхати асарҳои мутолианамуда ва азёдкардааш мутобиқ ба синну сол ва гурӯҳи худаш бошад. Ҳангоми баҳо додан донистани забонҳои хориҷӣ ва аъзои фаъоли китобхонаҳо будани довталаб ба эътибор гирифта мешавад”, - зикр мегардад дар хабарнома.

Dialog.tj