Василий Тарлев, собиқ Сарвазир бекор шудани низоми бидуни раводиди Молдава бо кишварҳои Иттиҳоди Давлатҳои Мустақилро “фармоиши мувофиқашудаи кураторон аз Аврупо” номид.

Бар асоси гуфтаи Василий Тарлев, роҳбарияти ҳозираи кишвар, ки аз ҷониби ҳизби ҳокими “Амалиёт ва ҳамраъйӣ” идора мешавад, ин тасмимро на бо назардошти манфиатҳои шаҳрвандони худ, балки зери фишори шарикони аврупоии худ қабул намудааст.

Рӯзи панҷшанбе парлумони Молдава дар хониши аввал лоиҳаи қонун дар бораи бекор кардани қарордоди сафарҳои бераводид бо кишварҳои Иттиҳоди Давлатҳои Мустақилро тасдиқ кард.

“Қарори ҳукумат роҷеъ ба қатъи режими бидуни раводид бо Иттиҳоди Давлатҳои Мустақил, ин фармоиши кураторони ғарбӣ мебошад. Ин “шарикони онҳо дар дестабилизатсия”-и маҳз онҳоро водор мекунанд, ки чунин қарорҳои барангезандаро қабул намоянд” - гуфт Тарлев.

Ба гуфтаи собиқ Сарвазир Ҳукумат мекӯшад, ба шаҳрвандони худ ҳарчӣ бештар мушкилӣ эҷод намояд.

“Аз тарзи рафтори ин ҳукумат маълум нест, ки онҳо фаҳмидаанд, рӯзҳои ҳукуматдории онҳо кам мондааст. Аз ин рӯ, мехоҳанд торафт худашон ба халқи худ ҳарчӣ бештар зиёну мушкилот эҷод кунанд”- таъкид намуд Тарлев.

Дар айни замон Молдава бо аксари кишварҳои Иттиҳоди Давлатҳои Мустақил созишҳои дуҷонибаи бидуни раводид дорад. Истисно фақат Тоҷикистон ва Қирғизистон мебошад.

Аз соли 2022 Молдава ширкат дар ҷаласаҳои Иттиҳоди Давлатҳои Мустақилро нодид мегирад, ҳарчанд ки узви он боқӣ мондааст ва, ҳамчунин, намояндаи нозир дар Иттиҳоди иқтисодии Авруосиё мебошад. Мақомоти кишвар борҳо гуфтаанд, ки мехоҳанд содироти кишварро ба бозорҳои Аврупо равона кунанд. Ҳамчунин, онҳо таъкид намудаанд, ки ният доранд шуморе аз созишномаҳои Иттиҳоди Давлатҳои Мустақилро барҳам диҳанд.

Президенти кишвар Майя Санду қаблан гуфта буд, ки ҳукумати феълӣ мехоҳад заминаи ҳуқуқии байналмилалии Молдоваро бо меъёрҳои аврупоӣ мутобиқ созад. Аммо мухолифон ин сиёсатро танқид карда, аз оқибатҳои эҳтимолӣ барои муҳоҷирони меҳнатӣ ва робитаҳои иқтисодӣ ҳушдор медиҳанд.

Муносибатҳои Русия ва Молдова пас аз ба сари қудрат омадани Майя Санду дар охири соли 2020 бад шуданд. Кремл чанд маротиба гуфт, ки Молдова зери роҳбарии ҳозира ба “кишвари носаҳеҳ барои Русия” табдил меёбад. Вазорати корҳои хориҷии Русия даъват мекунад, ки Кишинёв аз барномаҳои зиддирусӣ худдорӣ кунад. Дар изҳорот гуфта мешавад, ки Москва мехоҳад бо Молдова муносибатҳои дӯстона дошта бошад ва аз истифода шудани ин кишвар, дар манфиатҳои зидди Русия аз ҷониби Ғарб хушнуд нест.

Dialog.tj