Мақомоти иҷроияи ҳокимияти давлатии шаҳри Душанбе дар доираи амалиёти байналмилалии “16 рӯзи мубориза алайҳи зӯроварии гендерӣ” чорабинии фарҳангие бо номи “Оила бидуни зӯроварӣ” баргузор намуд.

Манбаъ меафзояд, ки чорабинии мазкур бо мақсади дар амал татбиқ намудани сиёсати давлатӣ оид ба ҳуқуқи оила, баланд бардоштани сатҳи маданияти ҳуқуқии ҷавонон, устувории оила, бунёди оилаи солим, тарбияи ҷавонон дар руҳияи ватнадӯстию меҳанпарастӣ, пешгирии омилҳои номатлуб ва хушунати оилавӣ роҳандозӣ шудааст.

“Соли 1993 Ҳукумати Ҷумҳурии Тоҷикистон Конвенсияи Созмони Милали Муттаҳид оид ба барҳам додани тамоми шаклҳои табъиз нисбати занонро қабул кард”, - омадааст дар иттилоия.

Ҳамчунин, гуфта мешавад, ки дар фарҷоми чорабинӣ барномаи фарҳангӣ роҳандозӣ гардид.

Dialog.tj