Раҷаб Тайиб Эрдуғон, Президенти Туркия дар суханронӣ кишварашро вориси Луқмони Ҳаким ва Абуалӣ ибни Сино хонд.

Анқара мизбони ёздаҳумин конфронси ҷаҳонии тиббии Туркия буд. Дар ҳамин ҳамоиш Эрдуғон пушти минбар рафт ва кӯшид мероси тиббии кишварро дар идомаи таърихи тӯлонии ҷаҳони ислом ба намоиш гузорад.

Бар асоси гузориши шабакаи “ТРТ”-и Туркия Эрдуғон дар суханрониаш дар хусуси Абуалӣ ибни Сино, донишмандони номӣ ва форсизабонеро, ки дар ҳавзаи тамаддуни Хуросони Бузург фаъолият мекарданд ва ҳамчунин, Луқмони Ҳаким, ки дар манобеи исломӣ бештар чун рамзи ахлоқ ва ҳикмат шинохта мешаванд, чунин изҳор дошт:

“Мо ворисони Луқмони Ҳаким ва Ибни Сино, бунёдгузорони тибби навини ҷаҳонием”- гуфт Раҷаб Тайиб Эрдуғон.

Раҷаб Тайиб Эрдуғон дар идомаи суханрониаш бо ишора ба беморхонаҳое, ки дар давраҳои мухталиф дар Анатолия бунёд ёфтаанд, ин гузаштҳоро ҳалқае аз ҳамон силсилаи таърихии мероси тиббӣ донист ва кӯшиш кард, ки миёни табибони имрӯзи кишвар ва он чи ӯ “мероси бузурги тиббӣ” номид, робитаи таърихӣ барқарор кунад.

Dialog.tj