Шоми 26-уми ноябр бошгоҳи “Истиқлол”-и Тоҷикистон бо дастаи “Ал-Наср”-и Арабистони Саудӣ дар доираи даври 5-уми Лигаи дуюми қаҳрамонҳои Осиё рақобат кард.

Вохӯрии мазкур дар Варзишгоҳи марказии шаҳри Ҳисор баргузор гардида, бо ҳисоби 0:4 “Истиқлол” шикаст хурд.

Футболбозони “Ал-Наср” Жоау Феликс, Муҳаммад Симакан, Садио Мане ва Айман Яҳё ба дарвозаи “Истиқлол” гол заданд. Футболбозони тоҷик дар муқобили ситораҳои ҷаҳонии футбол коре карда натавонистанд.

Дар мавсими ҷорӣ бошгоҳҳои “Истиқлол” ва “Ал-Наср” бори дуюм аст, ки вомехӯранд. Бозии қаблиашон дар майдони “Ал-Наср” бо ҳисоби 5:0 ба фоидаи тими арабӣ анҷом ёфта буд.

Ҳоло дар ҷадвали мусобиқа бошгоҳи “Истиқлол” дар ҷойи сеюм қарор дорад ва моҳи декабр як бозии дигар бо дастаи “Гоа”-и Ҳиндустон анҷом медиҳад.

Dialog.tj