Федератсияи ҷудои Тоҷикистон хабар медиҳад, ки 9 варзишгари тоҷик дар Мусобиқаи байналмилалии “Abu Dhabi Grand Slam-2025”, ки аз 28-ум то 30-юми ноябр дар Амороти Муттаҳидаи Араб доир мешавад, иштирок мекунанд.

Манбаъ меафзояд, ки дар мусобиқаи мазкур варзишгарони тоҷик аз рӯи панҷ вазн, аз ҷумла Меҳрзод Сӯфиев (то 60 кило), Абӯбакр Шеров, Муҳиддин Асадуллоев (то 73 кило), Суннатулло Мӯсоев, Беҳрӯзи Хоҷазода (то 81 кило), Абдулаҳад Маҷидов, Муҳаммадҷон Абдуҷалилзода (то 90 кило), Сомонӣ Кишваров ва Ҷаҳонгир Маҷидов (то 100 кило) баромад мекунанд.

Иттилоъ дода мешавад, ки дар “Abu Dhabi Grand Slam-2025” аз 53 давлат 390 варзишгар (233 мард ва 157 зан) дар ҳафт вазн рақобат мекунанд.

Гуфта мешавад, ки ғолибони ҷойи якум 5 ҳазор евро ва 1000 имтиёз, ғолибони ҷойи дуюм 3 ҳазор евро ва 700 имтиёз, ғолибони ҷойи сеюм 1500 евро ва 500 имтиёз ба даст меоранд.

Dialog.tj