Сергей Безруков, ҳунарпешаи машҳури рус пас аз он ки нақши ҳазлии ӯ дар бораи сухани сокинони Ӯзбекистон норозигии бахше аз аудиторияро барангехт, бо як муроҷиати расмӣ сухан гуфт.

Мусоҳибае, ки дар нишасти матбуотии “ТАСС” сабт шуда буд, баҳсҳои зиёдеро дар шабакаҳои иҷтимоӣ ба миён овард. Баъзе корбарон дар услуби ӯ мазоқ ва масхараи забону фарҳанги ӯзбекро диданд.

Дар вокуниш ба ин интиқодҳо ҳунарманд дар видеои нашршудаи худ гуфт, ки ҳодиса “провокатсия буда, мақсада барангехтани танишҳои байналмилалӣ”-ро дорад. Ба гуфтаи Сергей Безруков ҳикояе, ки ӯ ба шеваи ҳазл нақл кард, чор сол қабл дар Тошканд рух дода буд - замоне, ки ӯ барои гузоштани гул ба қабри Татяна Есенина ба оромгоҳ рафта буд.

Ӯ таъкид намуд, ки ин воқеаро борҳо ҳам дар Русия ва ҳам дар Ӯзбекистон ба таври ҳазл нақл кардааст.

Сергей Безруков ҳамчунин, ба муносибатҳои гарми худ бо Ӯзбекистон ишора намуда, оиди даҳҳо барномаи гастролӣ дар ин кишвар, эҳтирому дилбастагӣ ба фарҳангу меҳманнавозии ӯзбекон, дӯстӣ бо ҳамкасбонаш, аз ҷумла Фарҳод Маҳмудов, ки бо ҳам дар ВГИК дарс медиҳанд, таъкид кард.

“Сергей Безруков, ки самимона дӯстдори мардуми ӯзбек ва Ӯзбекистон аст. Ба провокатсияҳо аҳамият нидиҳед”- гуфт Сергей Безруков.

Ҳунарманд гуфт, ки талошҳо барои “таҳқиромез” нишон додани суханонаш таҳриф кардани воқеият мебошад ва бовар дорад, ки аксари бинандагон муносибати воқеии ӯро нисбат ба кишвари Ӯзбекистон хуб медонанд.

Dialog.tj