Расонаҳои украинӣ ҷузъиёти тарҳи Доналд Трамп барои оташбасро фош карданд

Сарчашмаҳои украинӣ иддао доранд, ки ба матни лоиҳаи банди 28-и Иёлоти Муттаҳидаи Амрико барои тасвиби оташбас дар Украина, ки аз сӯи президенти Иёлоти Муттаҳидаи Амрико Доналд Трамп пешниҳод шудааст, даст ёфтаанд. Бар асоси гузориши “Русия-ал-Яум” ин нақша як созиши фарогир миёни Киеву Маскав ва кишварҳои ғарбиро фаро мегирад.

Муҳимтарин тарҳҳои эҳтимолии сулҳи Амрико чунин мебошад:

• Таҳаммул ва кафолатҳои амниятии шартӣ ба Украина;
• Ҷойгир намудани ради узвияти Украина дар Конститутсияи ин кишвар;
• Таъйиди расмии НАТО, ки Украина ҳич гоҳ ба ин созмон пайваст намешавад;
• Маҳдуд кардани артиши Украина ба 600 ҳазор сарбоз;
• Бидуни силоҳи атомӣ боқӣ мондани Украина;
• Эътирофи ҳокимияти Русия дар Қрим, Донетск ва Луганск;
• Мунҷамид шудани ҳолати Херсон ва Запароже дар сархати даргирӣ;
• Таъсиси минтақаи бетарафи амниятии зери назорати Русия;
• Уҳдадории ҳар ду ҷониб барои тағйири надодани марзҳо бо зӯр;
• Мамнуъияти мустақарсозии неруҳои НАТО дар Украина;
• Ҷойгиркунии ҷангандаҳои НАТО дар Лаҳистон;
• Оғози гуфтугӯи амниятӣ миёни ИМА, НАТО ва Русия;
• Сабти ҳуқуқии сиёсати ҳамла накардан аз ҷониби Русия нисбат ба Украина ва Аврупо;
• Тарҳи бузурги сармоягузории ИМА ва Аврупо барои бозсозии Украина;
• Ихтисоси 100 миллиард доллар аз дороиҳои яхкардаи Русия барои бозсозӣ, ки 50 фоизи он ба ИМА меравад;
• Таъмини 100 миллиарди иловагӣ аз ҷониби Аврупо;
• Роҳандозии фонди рушди Украина;
• Рафъи тадриҷии таҳримҳо бар зидди Русия;
• Боз гардондани Русия ба Гурӯҳи ҳашт;
• Ҳамкориҳои иқтисодии дарозмуддати Русия ва Амрико;
• Табодули комили асирон ва бозгардондани шаҳрвандону кӯдакон;
• Фаъолияти барномаҳои инсондӯстона;
• Гузаштани неругоҳи атомии Запороже ба назорати АИАЭ ва тақсими он миёни ду кишвар;
• Кумаки ИМА ба барқарорсозии инфрасохтори гази Украина;
• Интихоботи президентии Украина 100 рӯз пас аз имзои созишнома;
• Авфи умумӣ барои ҳамаи ширкаткунандагони ҷанг;
• Назорати иҷрои созиш аз ҷониби Шурои сулҳ таҳти роҳбарии Доналд Трамп;
• Ҷорӣ шудани таҳримҳо дар сурати нақзи созиш;
• Пас аз имзои санад оташбас ва ақибнишинии фаврии неруҳо ба хатҳои мувофиқшуда...

Ин иттилоъ то ҳанӯз аз сӯи ИМА, Русия ва ё Украина расман тасдиқ нашудааст, вале нашри он дар фазои сиёсӣ баҳсҳои густурдаро барангехтааст.

Dialog.tj