Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон хабар медиҳад, ки аз 21-ум то 24-уми ноябр дар шаҳри Душанбе ва баъзе минтақаҳои ҷумҳурӣ баланд шудани ҳолати ифлосшавии ҳавои атмосферӣ аз моддаҳои муаллақ (чанг), Рм-10 (заррачаҳои андозаашон 10мкр) ва Рм-2,5 (заррачаҳои андозаашон 2,5 мкр) дар назар аст.

Тавре ки АМИТ “Ховар” бо такя ба маълумоти Агентии обуҳавошиносӣ иттилоъ медиҳад, ба шаҳру ноҳияҳои ҷанубӣ, марказии вилояти Хатлон, ноҳияҳои тобеи ҷумҳурӣ ва вилояти Суғд бо сабаби омилҳои метеорологӣ хокбориш аз самти минтақаҳои ҷанубу ғарбӣ, ғарбӣ ва ҷанубӣ ворид мегардад.

“Зарраҳои муаллақи андозаашон 2,5мкр (Рм-2,5) ва 10мкр (Рм-10) метавонад ба саломатии аҳолӣ таъсири манфӣ расонад. Ин гуна зарраҳо ба саломатии кӯдакон, пиронсолон ва одамони гирифтори бемориҳои музмин таъсири манфӣ мерасонанд”, - зикр мекунад манбаъ.

 Dialog.TJ