Вазорати меҳнат, муҳориҷат ва шуғли аҳолии Ҷумҳурии Тоҷикистон аз гузаронидани якмаркаи ҷойҳои холӣ дар шаҳри Душанбе хабар дод.

Ба навиштаи манбаъ, 19-уми ноябр бо мақсади фароҳам овардани шароити мусоид ба шаҳрвандони бекор ва муҳоҷирони ба Ватан бозгашта ҷиҳати интихоби кори мувофиқ ва ба кордиҳандагон барои интихоби мутахассисони ба талаботашон мувофиқ аз ҷониби раёсати Агентии меҳнат ва шуғли аҳолӣ дар шаҳри Душанбе дар КВД “Бозори деҳқон” ярмаркаи ҷойҳои кор ва вазифаҳои озод баргузор шуд.

Гуфта мешавад, ки дар ярмаркаи мазкур корхонаю ташкилот, муассисаҳо, ширкатҳо ва марказҳои касбомӯзӣ иштирок карда, ба корҷӯён ҷойҳои кор ва хизматрасониҳои касбомӯзиро пешниҳод намуданд.

“Бо назардошти афзоиши аҳолӣ ва эҳтиёҷ ба ҷойҳои нави кор, ташкил ва баргузор намудани ярмаркаҳои ҷойҳои кории холӣ яке аз роҳҳои муассири коҳиш додани сатҳи бекорӣ ва беҳтар намудани шароити зиндагии мардум маҳсуб меёбад. Ярмаркаҳои ҷойҳои кор як василаи муҳими пайваст кардани кордиҳандагон бо шахсони корҷӯён ба ҳисоб меравад”, - зикр мекунад манбаъ.

Dialog.tj