Шоми имрӯз бошгоҳи “Истиқлол”-и Душанбе дар марҳилаи гурӯҳии Лигаи қаҳрамонҳои дуюми Осиё-2025/26 бо дастаи “Ал-Завраа”-и Ироқ бозӣ мекунад.

Вохӯрии мазкур дар Варзишгоҳи “Ал-Завраа”-и шаҳри Бағдод соати 21:00 бо вақти Душанбе барпо мегардад.

Гуфта мешавад, ки "Истиқлол" бо пироҳани сурх ва "Ал-Завраа" бо пироҳани сафед ба майдон баромада, вохӯрии мазкурро гурӯҳи доварон аз АМА ҳакамӣ мекунанд.

Тавре маълум аст, дар ҳоли ҳозир дар гурӯҳи “D” бошгоҳи “Ал-Наср” бо 9 имтиёз дар ҷойи аввал қарор дорад. “Истиқлол” бо 6 имтиёз дар зинаи дуюм буда, рақиби имрӯзааш “Ал-Завраа” бо 3 имтиёз дар зинаи сеюм мебошад. Дастаи “Гоа” бошад, бидуни имтиёз дар зинаи охири гурӯҳ ҷой гирифтааст.

Ёдовар мешавем, ки “Истиқлол” дар даври сеюми марҳилаи гурӯҳии Лигаи қаҳрамонҳои дуюми Осиё-2025/26 бо дастаи “Ал-Завраа”-и Ироқ дар майдони худ бозӣ карда, бо ҳисоби 2:1 ғолиб гардида буд.

 Dialog.tj