Дирӯз, 3-юми ноябр дар Институти забон ва адабиёти ба номи А. Рӯдакии Академияи миллии илмҳои Тоҷикистон маросими ифтитоҳи ҳуҷраи кории аввалин президенти Академияи фанҳои Ҷумҳурии Тоҷикистон, асосгузори адабиёти муосири тоҷик Садриддин Айнӣ бо иштироки олимону муҳаққиқон, намояндагони муассисаҳои илмӣ ва аҳли адабу фарҳанг доир гашт.

Тавре ки маркази матбуоти Академияи миллии илмҳои Тоҷикистон хабар медиҳад, ҳуҷраи кории Садриддин Айнӣ бозсозӣ шуда, лавҳи ёдгорӣ ва мизу курсии кории ӯ бо намунаи осор ва аксҳои хотиравӣ барқарор гардидааст.

“Таъкид гардид, ки ифтитоҳи ҳуҷраи кории ӯ ҳамчун рамзи эҳтиром ба хизматҳои бузурги устод ва арҷгузорӣ ба таърихи ташаккули илм дар Тоҷикистон арзёбӣ гардид. Зикр шуд, ки ин иқдом барои ташаккули муҳити таърихӣ-фарҳангӣ дар Академия, боло бурдани эҳсоси худшиносии миллӣ дар миёни насли ҷавон ва омӯзиши ҳамаҷонибаи мероси устод Айнӣ аҳамияти вижа дорад”, - гуфта мешавад дар хабарнома.

Гуфта мешавад, ки ҳуҷраи кории Садриддин Айнӣ ҳамчун маркази омӯзишӣ ва илмӣ-таҳқиқотӣ барои магистрантон, муҳаққиқон ва меҳмонон фаъолият менамояд.

Dialog.tj