Тавре ки аз Муассисаи давлатии «Маркази кӯдакон ва наврасони шаҳри Душанбе» хабар медиҳанд, озмуни шаҳрии «Беҳтарин ровии наврас–2025» ҷамъбаст гардид.

Ба иттилои манбаъ, тибқи баҳогузории ҳайати ҳакамон ғолибони озмуни мазкур бо тартиби зерин муайян гардиданд: ҷойи якум – Ҳукмиддинова Шукрона, хонандаи синфи 8, МТМУ №4 ноҳияи Шоҳмансур; ҷойи II – Маҳмадзода Фараҳноз, хонандаи синфи 11, Литсейи №3 ноҳияи Исмоили Сомонӣ ва ҷойи III – Хушвахтова Фархунда, хонандаи синфи 11, Литсейи №2 ноҳияи Сино.

Гуфта мешавад, ки озмуни шаҳрии “Беҳтарин ровии наврас–2025” бо мақсади кашф ва дастгирии истеъдодҳои ҷавон дар соҳаи ровигӣ ва суханварӣ аз 16-уми сентябр то 24-уми октябр миёни хонандагони муассисаҳои таълимии шаҳри Душанбе баргузор гардид.

Дар иттилоия зикр мегардад, ки ғолибони озмун дар арафаи Рӯзи Конститутсияи Ҷумҳурии Тоҷикистон бо диплом, ҷом ва мукофотпулӣ аз ҷониби Сарраёсати маорифи шаҳри Душанбе, Маркази кӯдакон ва наврасони шаҳри Душанбе ва шарикони иҷтимоии он қадрдонӣ хоҳанд шуд.

Dialog.tj