Беш аз 35 фоизи муҳоҷирони корӣ дар сеюм квартали соли 2025 имтиҳони забони русиро аз аввал супорида натавонистаанд.

Бар асоси гузориши расмӣ, 275 609 нафар имтиҳонҳо оид ба забони русӣ барои хориҷиён, таърихи Русия ва қонугузории асосии Федератсияи Русияро супоридаанд, ки барои гирифтани иҷозаи кор ё патент зарур мебошад. Аз ин шумора 86,9% имтиҳонро супоридаанд, вале 35,1% аз аввал натиҷаи хуб нагирифтаанд.

Имтиҳон дар 203 нуқта дар саросари Русия ва берун аз он, аз ҷумла дар ҷумҳуриҳои Тоҷикистон ва Ӯзбекистон гузаронида шудааст. Дар миёни онҳо 88 донишгоҳҳои Русия, аз ҷумла 82 донишгоҳи тобеи Вазорати маориф ва илми ин кишвар ҷой доранд.

Ба гуфтаи масъулон имтиҳон се зина дорад: зинаи аввал – барои гирифтани иҷозаи кор дар Русия (патент), зинаи ду - барои иҷозаи иқомат ба муддати муайян (РВП), зинаи севум – барои иҷозаи доимӣ (ВНЖ).

Ҳар се зина блок дорад: блоки аввал фақат санҷиши забони русӣ, блокҳои дуюм ва сеюм ҳамчунин, санҷиши донишҳои таърихи Русия ва қонунгузории асосиро дар бар мегирад.

Шумори муҳоҷироне, ки аз аввал натиҷаи хуб ба даст наовардаанд, нишон медиҳад, ки омӯзиши забони русӣ ва дастрасии онҳо ба омӯзишҳои пешакӣ барои имтиҳон ҳанӯз сатҳи заруриро надорад.

Dialog.tj