АМИТ «Ховар» бо такя ба маълумоти маркази матбуоти Вазорати маориф ва илми Ҷумҳурии Тоҷикистон хабар хабар медиҳад, ки 1-уми ноябр хонандагони муассисаҳои таҳсилоти миёнаи умумии кишвар ба таътили тирамоҳӣ мебароянд.

Манбаъ меафзояд, ки чоряки якум 31-уми октябр дар муассисаҳои таҳсилоти миёнаи умумӣ ҷамъбаст гардида, хонандагон аз 1-ум то 7-уми ноябр ба таътили тирамоҳӣ мебароянд.

Дар ин росто, Вазорати маориф ва илми Ҷумҳурии Тоҷикистон падару модаронро даъват менамояд, ки дар таътили тирамоҳӣ назорати ҷиддӣ бурда, нагузоранд, ки фарзандонашон вақти бештари худро бо истифодаи телефони мобилӣ ва корҳои беҳуда гузаронанд.

Ҳамчунин, гуфта мешавад, ки дар таътил хонандагон метавонанд аз рӯйхати тавсиявии асарҳои бадеӣ, ки барои хониши беруназсинфӣ муқаррар гардидааст, истифода намоянд.

Dialog.tj