Раёсати ВКД аз боздошти боз як қаллобӣ дигар хабар дод.

Амирзода Сафиаллоҳ сокини 30-солаи ш.Душанбе, дар содир намудани ҷиноятҳои қаллобӣ дар ҳаҷми махсусан калон гумонбар дониста мешавад. 

Дар натиҷаи баррасии аризаҳои шикоятии шаҳрвандон, кирдорҳои ҷиноятии номбурда аз ҷониби кормандони ШВКД-1 дар ноҳияи Сино ошкор карда шуданд. 

"Номбурда бо ваъдаи бо манзили истиқоматӣ таъмин намудан, аз шаҳрвандон маблағҳои калони пулӣ гирифтааст. Зарари ба шаҳрвандон расонидаи номбурда зиёда аз як миллион сомониро ташкил медиҳад", иттилоъ додааст манбаъ.

Айни замон гумонбаршаванда дар ҳабси пешакӣ қарор дорад. Нисбаташ бо моддаи 247 Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, мавриди тафтишоти пешакӣ қарор дорад. 

Мақомот аз шаҳрвандон хоҳиш карда мешавад, ки агар мавриди фиреби Амирзода С., қарор гирифтаанд, тавассути рақамҳои 018-02-02-02 ба милитсияи пойтахт муроҷиат намоянд.

Dialog.TJ