Аз ҷониби кормандони ШВКД-2 дар ноҳияи Синои шаҳри Душанбе навори муносибати дағалонаи мусофир ва латукӯби ронандаи таксӣ, ки дар шабакаҳои иҷтимоӣ нашр гардида, вокунишҳои манфии шаҳрвандонро ба миён овард, мавриди санҷиш қарор дода шуд.

Дар натиҷа, шаҳрванд Тағоймуродов Мансур сокини 29-солаи шаҳри Душанбе дастгир гардид.

Зимни санҷиш муайян гардид, ки номбурда дар ҳолати мастӣ аз хизматрасонии ронандаи таксӣ истифода бурда, дар баробари пардохт накардани маблағи роҳкиро, ҳамзамон ӯро латукӯб намудааст. 

Бо назардошти ҳолати мазкур нисбати Тағоймуродов М. бо моддаи 460 (Майдаавбошӣ) КҲМ Ҷумҳурии Тоҷикистон протоколи маъмурӣ тартиб дода шуд. Дар асоси Қарори суд нисбат ба номбурда ҷазо дар намуди ҳабси маъмурӣ ба муҳлати 15-шабонарӯз таъин гардид.

Ҳамзамон бо мақсади оғоз намудани парвандаи ҷиноятӣ, мавриди тафтишоти пешакӣ қарор дорад.

Ҳамчунин, Раёсати ВКД дар интиҳои хабар аз шаҳрвандон хоҳиш кардааст, ки дар ҳолати мушоҳидаи ҳама гуна қонуншиканӣ тавассути рақамҳои (+992) 018020202 ба милитсияи пойтахт муроҷиат намоянд.

Dialog.TJ