Агентии хабарии “Азия-Плюс” бо такя ба маълумоти “Душанбенақлиётхадамотрасон” хабар медиҳад, ки дар 670 микроавтобуси пойтахт дастгоҳ барои пардохти ғайринақдӣ (POS-терминал ё валидатор) насб шудааст.

Ба қавли манбаъ то 30-юми сентябр дар 980 микроавтобуси шаҳрӣ поя насб шуда дар 670 адади он валидатор ба кор шуруъ кардааст.

Гуфта мешавад, ки дар микроавтобусҳо пардохти ғайринақдӣ ба монанди автобусу троллебусҳо тарофаҳои гуногун пешниҳод намегардад, балки арзиши хизматрасонӣ 2 сомонию 50 дирам бетағйир мемонад.

Иттилоъ дода мешавад, ки ронандагоне, ки валидаторро дар мошинҳояшон насб кардаанд, ҳар рӯз барои хизматрасонӣ ба ширкати “Citycard” 30 сомонӣ пардохт мекунанд.

Ҳамчунин, гуфта мешавад, ки валидаторҳоро ронандагон дар асоси шатномаи қарзии 6-моҳа ба арзиши 2800 сомонӣ мегиранд.

Dialog.tj