Дирӯз, 12-уми октябр дар Рио-де-Жанейрои Бразилия мусобиқаи UFC Fight Night 261 баргузор гардид, ки дар муҳорибаи асосии он Чарлз Оливейра ва Матеуш Гамрот рақобат карданд.

Муҳорибаи мазкур дар вазни сабук доир гардида, дар раунди дуюм варзишгари бразилӣ Чарлз Оливейра размкор аз Полша Матеуш Гамротро бо усули бӯғӣ кардан, мағлуб кард.

Бояд гуфт, ки Матеуш Гамрот аввалин маротиба дар корномааш фавран шикаст хурд. Ӯ то ин замон се мағлубият дошт ва ҳамаи онҳо бо қарори доварон буданд.

Чарлз Оливейра пас аз ғалабаи дурахшон эълон кард, ки мехоҳад барои камарбанди BMF (бадтарин размкори ташкилот) бо соҳиби он Макс Холлоуэй рақобат кунад.

Дар ин росто, Макс Холлоуэй даъвати Чарлз Оливейраро қабул кард ва пешниҳод намуд, ки моҳи марти соли оянда барои гузаронидани рақобат вақти муносиб аст.

Ёдовар мешавем, ки Чарлз Оливейра дар рӯйхати беҳтарин рамзкорони вазни сабук дар ҷойи чорум қарор дошт ва эҳтимол пас аз ғалаба як зина боло мавқеъ бигирад.

Dialog.tj