Раёсати Вазорати корҳои дохилӣ озмуни «Беҳтарин ролики тарбиявӣ»-ро, ки чанде пеш миёни корбарони фаъоли шабакаҳои иҷтимоӣ эълон карда буд, ҷамъбаст намуд.

Тавре ки манбаъ менависад, озмуни «Беҳтарин ролики тарбиявӣ» аз рӯйи се номинатсия: «Эҳтироми калонсолон», «Одоби шаҳрнишинӣ» ва «Одоби идора намудани воситаи нақлиёт» доир гашта, 60 ролики тарбиявӣ пешниҳод гардид.

Ҳамин тавр, дар номинатсияи «Эҳтироми калонсолон» Одинаев Фатҳиддин - ҷойи якум, Қаюмов Наврузҷон - ҷойи дуюм ва Раҳимов Зикриё - ҷойи сеюм гардиданд.

Дар номинатсияи «Одоби шаҳрнишинӣ» бошад, Мироҷиддинов Баҳром - ҷойи якум, Мусоев Ғолиб - ҷойи дуюм ва Шарипов Дилшод - ҷойи сеюм шуданд.

Бо қарори ҳайати ҳакамон дар номинатсияи «Одоби идора намудани воситаи нақлиёт» наворҳои Каримов Ҷамшед - ҷойи якум, Бозоров Рустам - ҷойи дуюм ва Бобоев Ромиш - ҷойи сеюм гардиданд.

Иттилоъ дода мешавад, ки ғолибон бо диплому маблағҳои пулӣ, аз ҷумла ҷойҳои якум 18 ҳазор сомонӣ, ҷойҳои дуюм 12 ҳазор сомонӣ ва ҷойҳои сеюм 10 ҳазор сомонӣ қадрдонӣ карда шуданд.

Dialog.tj