Шоҳрухон, ситораи машҳури Болливуд бо дороиҳои холис ба маблағи як миллиарду 400 миллион доллар ба сафи миллиардерҳо пайваст ва ба яке аз сарватмандтарин бозигарони ҷаҳон табдил шуд.

Расонаҳои ҳиндӣ хабар доданд, ки Шоҳрухон дар феҳристи сарватмандтарин афроди Ҳиндустон дар соли 2025 қарор гирифтааст.

Шоҳрухони 59-сола бо ин ҳаҷми сармоя дар қатори селебритиҳои барҷастае чун Арнолд Швартсенеггер, Риҳанна, Тайгер Вудз ва Тейлор Свифт қарор мегирад.

Ҷуҳа Чавла, Ритик Рошан, Амитобх Баччан ва Каран Ҷоҳар аз шахсиятҳои дигари Болливуд мебошанд, ки номашон дар ин феҳрист омадааст, аммо сарвати Шоҳрухон ба таври қобили таваҷҷуҳ бештар аз онҳо тахмин зада мешавад.

Маҷаллаи "Форбс" низ гуфт, ки ҳарчанд бисёре аз афроди машҳур бениҳоят сарватманд мебошанд, аммо ба нудрат пеш меояд, ки дороии холиси онҳо ба рақами даҳрақама (миллиардҳо) расад.

Шоҳрухон, ки ҳоло ба ӯ ба ҳайси подшоҳи филмҳои ошиқонаи Болливуд ном бурда мешавад, беш аз се даҳа дар санъати филмҳои ҳиндӣ фаъолият дошт ва доманаи фаъолиятҳои худро аз бозигарӣ ба мудирияти як маркази тавлиди бузург ва ҳамчунин, моликияти як тими крикет густариш додааст.

Dialog.tj