Вазорати тандурустӣ ва ҳифзи иҷтимоии аҳолии Ҷумҳурии Тоҷикистон хабар медиҳад, ки имрӯз, 1-уми октябр дар нуқтаи тиббии мактаби таҳсилоти миёнаи умумии №19 маросими оғози расмии иммунизатсияи оммавӣ бар зидди вируси папилломаи одам (ВПО) баргузор гардид.

Гуфта мешавад, ки дар чорабинии мазкур намояндагони Вазорати тандурустӣ ва ҳифзи иҷтимоии аҳолӣ, Вазорати маориф ва илми ҷумҳурӣ ва намояндагони сохторҳои дахлдор иштирок намуданд.

“Дар ин чорабинӣ масъалаҳои муҳими татбиқи иммунизатсия, афзоиши сатҳи огоҳии аҳолӣ дар бораи аҳамияти ваксинагузорӣ ва ҳифзи саломатии кӯдакон ва калонсолон баррасӣ шуд. Мудирони мактаб ва кормандони тиббӣ ба иштирокдорон тавзеҳ доданд, ки иммунизатсия яке аз роҳҳои асосии пешгирии паҳншавии бемории ВПО буда, барои ҳифзи саломатии ҷамъият ва таъмини муҳити солим дар муассисаҳои таҳсилотӣ нақши калидӣ дорад, - қайд мегардад дар иттилоияи вазорат.

Иттилоъ дода мешавад, ки Ҳукумати мамлакат барои таъмини ваксинаҳои босифат ва гузаронидани маъракаҳои иммунизатсионӣ ҳамаҷониба дастгирӣ мекунад.

Dialog.tj