Шоми имрӯз бошгоҳи шоҳонаи “Реал Мадрид” дар доираи даври дуюми марҳилаи гурӯҳии Лигаи Чемпионҳо бо “Қайрат”-и Ҷумҳурии Қазоқистон рақобат мекунад.

Бошгоҳи испанӣ бо ҳайати асосиаш, ки ситораҳои футболи ҷаҳонӣ ҳастанд, ба шаҳри Алмаатои Қазоқистон сафар кард. Футболбозони “Реал Мадрид”-ро ҳаводоронашон самимӣ пешвоз гирифтанд ва онҳо низ дар навбати худ бо муомилаи хуб дар сархати хабарҳои расонаҳо баромаданд. Соядастгузорӣ, аксбардорӣ ва суҳбатҳои кӯтоҳ аз ҷумлаи лаҳзаҳое ҳастанд, ки ҳар соат дар шабакаҳои иҷтимоӣ нашр мешаванд.

Яке аз саҳнаҳое, ки мухлисони қазоқи бошгоҳи “Реал Мадрид” дар шабакаҳои иҷтимоӣ хеле зиёд нашр карданду дар борааш ҳарф мезананд, ин ба саломи як нафар ҷавоб гардонидани ситораи асосии дастаи испанӣ Килиан Мбаппе мебошад.

Дар даромадгоҳи меҳмонхона як нафар ба ҳама футболбозони дастаи шоҳона “Ассалому алейкум” мегӯяд ва онҳо ба саломдиҳанда ишораҳо мекунанд, вале ҳамлагари “Реал Мадрид” Килиан Мбаппе ба саломи мухлиси қазоқаш “Воалейкум салом” мегӯяд. Ин гуна ҷавоб аз футболбози ҷаҳонӣ хеле ҳайратовар аст. Яъне ӯ каме ҳам бошад пеш аз сафар ба Қазоқистон таваҷҷуҳ кардааст.

Ёдовар мешавем, ки бошгоҳи шоҳонаи “Реал Мадрид” барои анҷом додани бозӣ бо “Қайрат” зиёда аз 10 соат парвоз кард ва ин аввалин бор дар таърихи даста мебошад.

Dialog.tj