Дар шабакаҳои иҷтимоӣ наворе нашр гардид, ки марди дар он инъикосёфтаро шаҳрвандон дар содир намудани ҷинояти дуздӣ гумонбар медонистанд, аммо милитсияи пойтахт иттилоъ медиҳад, ки он мард дузд нест, балки дорои бемории равонӣ аст.

Тавре ки санҷиши кормандони Раёсати Вазорати корҳои дохилӣ дар шаҳри Душанбе муайян кардааст, он марди дар наворбуда Абдураҳимов Раҳим, сокини 65-солаи ноҳияи Шоҳмансур аст ва аз бемории равонӣ ранҷ мебарад.

Гуфта мешавад, ки дар вақти санҷиш дар содир намудани ҷинояти дуздӣ даст доштани Абдураҳимов Р. Тасдиқ нашудааст.

Ҳамчунин, РВКД дар шаҳри Душанбе аз шаҳрвандон хоҳиш мекунад, ки дар ҳама ҳолат ба мақомоти милитсия такя намуда, бо мушоҳидаи ҳама гуна амалу кирдорҳои номатлубу шубҳанок, тавассути рақамҳои (+992) 018-02-02-02 муроҷиат намоянд.

Dialog.tj