Муассисаи давлатии коммуналии "Душанбенақлиётхадамотрасон" аз сокинону меҳмонони пойтахт хост, ки дар истгоҳи нақлиётии назди собиқ Муассисаи давлатии "Телевизиони Сафина", ки чанде пеш тахриб шуда буд, интизори нақлиёти ҷамъиятӣ нашаванд.

Манбаъ меафзояд, ки иқдоми мазкур бо мақсади кам намудани шиддатнокии ҳаракати воситаи нақлиёт ва ҳамзамон аз байн бурдани тамбашавӣ дар хиёбони Рудакӣ пешбинӣ гардидааст.

Ҳамчунин, гуфта мешавад, ки аз ин ба баъд  ронандагони нақлиёти истифодаи умум уҳдадоранд, ки дар ҷойи зикршуда таваққуф накарда, танҳо аз истгоҳҳои муайянгардида ба мусофирон хизмат расонанд.

Ёдовар мешавем, ки чанде пеш истгоҳи нақлиётии назди собиқ Муассисаи давлатии "Телевизиони Сафина" тахриб шуда буд, вале мусофирон нақлиёти ҷамъиятиро маҳз аз он ҷо интизор мешуданд.

Dialog.tj